କାନ୍ତ କବି - ସ୍ନିଗ୍ଧା ସାମନ୍ତରାୟ

ଓଡ଼ିଶା ମାଟିର ଗର୍ଵ ଓ ଗୌରବ

ଲକ୍ଷ୍ମୀକାନ୍ତ କୃତିସ୍ମୃତି

ଡିସେମ୍ବର ନ ଅଠର୍ସ ଅଠାଅସି

ରାଧାମାଣି କୋଳେ ଜନ୍ମି ।

ଭଦ୍ରକ ଜିଲ୍ଲାର ତାଳପଦା ଗ୍ରାମେ

ପିତା ଥିଲେ ଭାଗବତ

ମାତା ରାଧାମଣିଙ୍କ ଯୋଗ୍ୟ ସନ୍ତାନ

ଯଶସ୍ବୀରେ ଲକ୍ଷ୍ମୀକାନ୍ତ ।

ଲକ୍ଷ୍ମୀ ପୂଜାଦିନ ଜନ୍ମ ହୋଇଥିଲେ

ଗୃହେ ଆନନ୍ଦ ଉଲ୍ଲାସ

ଲକ୍ଷ୍ମୀଙ୍କ ନାମେ ହେଲା ନାମକରଣ

ଶୁଭ ନାମରେ ହରଷ ।

ଉଚ୍ଚ ମାଧ୍ୟମିକ ଶିକ୍ଷା ଛାଡିଦେଇ

ଇଂରେଜ ସହ ଲଢେ଼ଇ

ଇଂରେଜ ସୈନ୍ୟଙ୍କ ଦ୍ବାରା ହେଲେ ବନ୍ଦୀ

ପିଲାରୁ ଜେଲ ବିତାଇ ।

ଉଣେଶ ତେର ମସିହା ଲକ୍ଷ୍ମୀକାନ୍ତ

ସ୍ନାତକ ଡିଗ୍ରୀ ଉତ୍ତୀର୍ଣ୍ଣ 

ଦେଶାତ୍ମବୋଧକ କବିତାମାନ ରଚି

ଏକତା ସ୍ବର ଉତ୍ତୋଳନ ।

ଲକ୍ଷ୍ମୀକାନ୍ତ ପରିବାର ପ୍ରଭାବିତ

ବାପୁ ଦେଶ ପ୍ରେମ ଦେଖି

ପ୍ରତି ଆନ୍ଦୋଳନର ଥିଲେ ସୂତ୍ରଧର

ଜାତିର ପିତା ଗାନ୍ଧିଜୀ ।

ଲବଣ ସତ୍ୟାଗ୍ରହ, ଅସହଯୋଗ

ଦେଖି ସେହି ଆନ୍ଦୋଳନ

କବି ପରିବାର ହେଲେ ମର୍ମାହତ

ଆଘାତେ ହୃଦ ସ୍ପନ୍ଦନ ।

ଇଞ୍ଚୁଡିର ସତ୍ୟାଗ୍ରହ ରେ ସାମିଲ

କବିଙ୍କ ସପରିବାର

କାନ୍ତକବିଙ୍କ ବଡ଼ପୁଅ ନିତ୍ୟାନନ୍ଦ

ପ୍ରତ୍ୟକ୍ଷ ଭୂମିକା ଭାର ।

କଲମ ମୁନରେ ସୃଷ୍ଟି କରିଗଲେ

ଦେଶ ପ୍ରେମର କବିତା

ସ୍ବାଧୀନତା ପ୍ରାପ୍ତ କରିବା ପାଇଁକି

କବିତା ଅସ୍ତ୍ର ବନିତା ।

ମହାତ୍ମା ଗାନ୍ଧୀଙ୍କ ନୀତି ଆଦର୍ଶ ରେ

କବିଙ୍କ ମନେ ପ୍ରେରଣା

ଶକ୍ତିଶାଳୀ ଓ କାଳଜୟୀ କବିତା

ରଚିଲେ ଶବ୍ଦ ଝରଣା ।

ମାତୃଭୂମି, ମାତୃଭାଷାର ସୁରକ୍ଷା

କବିତା ଦ୍ଵାରା ଜାଗ୍ରତ

କାନ୍ତକବିଙ୍କ ପ୍ରତି ଲେଖାରେ ଥାଏ

ଦେଶ ପ୍ରୀତି ତ ନିସୃତ।

କଂଗ୍ରେସର ଜିଲ୍ଲା ସମ୍ମିଳନୀ ହେଲା

ଭଦ୍ରକ ରେ ଆୟୋଜିତ

କବିଙ୍କର ସେହି ରହି କବିତାଟି

ସମସ୍ତଙ୍କୁ କଲା ମୋହିତ ।

ଦେଶ ପ୍ରେମ ଲେଖା କଲା ଆକର୍ଷଣ

ଆର୍ଯ୍ୟବାହିନୀ କବିତା

ଓଡ଼ିଶା ଆତ୍ମଶକ୍ତି ଜାଗି ଉଠିଲା

ଲେଖନୀ ସୃଷ୍ଟି ବାରତା ।

ତେତିଶ ଗୋଟି ଦେଶ ପ୍ରେମ କବିତା

ପ୍ରଥମ ଭାଗେ ଛବିଶ

ସାତଟି କବିତା ଦ୍ଵିତୀୟ ଭାଗରେ

ଉକ୍ତି କବିତାରେ ମିଶି ।

ପ୍ରଳୟ ଦୁନ୍ଦୁଭି, ଜାତୀୟ ପତାକା

ଉନ୍ମାଦ, ସମର ସଙ୍ଗୀତ

ଆର୍ଯ୍ୟବାହିନୀ, ଏଦେଶ, ବିଜୟ ବନ

କବିଙ୍କ ଦ୍ବାରା ରଚିତ ।

କ୍ଷୁଦ୍ର ଗଳ୍ପ ତାଙ୍କର ବୁଢା ଶଙ୍ଖାରୀ

କଣାମାମୁଁ ଉପନ୍ୟାସ

ଆଜିବି ପ୍ରତିଘରେ ଘରେ ରହିଛି

ଜୀବନ୍ତ ସେ ଗଳ୍ପଶୀର୍ଷ ।

ଡିମ୍ବକ୍ରେସି ସଭା, ହନୁମନ୍ତ ବସ୍ତ୍ର ହରଣ

ସମସ୍ୟା, ନାଟକ ରଚି

ରାଜନୈତିକ ଅସ୍ଥିରତା ଉପରେ

ବହିରେ ଲେଖା ହୋଇଛି ।

ବ୍ୟଙ୍ଗ ନାଟକ ତାଙ୍କର ଫିଲ୍ମଷ୍ଟାର

ଭିନ୍ନ ସାହିତ୍ୟ ଲାଳିକା

ଚନ୍ଦ୍ରହାସ ଚମ୍ପୁ ଲାଳିକା ରଚନା

କବିଙ୍କ ଶ୍ରେଷ୍ଠ ତାଲିକା ।

ଥିଲେ ସାହିତ୍ୟ ପତ୍ରିକା ପ୍ରତିଷ୍ଠାତା

ପତ୍ରିକା ନାମ ଡଗର

ପଚିଶ ବର୍ଷେ କୁଷ୍ଠ ରୋଗେ ଆକ୍ରାନ୍ତ

ଦୁଃଖ ଦିନ ତ ତାଙ୍କର ।

ବନ୍ଦେ ଉତ୍କଳ ଜନନୀ ସଙ୍ଗୀତଟି

ଅମିଳନ କୃତିଧାରା

ଆମ ଓଡ଼ିଶାର ରାଜ୍ୟ ସଙ୍ଗୀତର

ମାନ୍ୟତା ପାଇଛି ପରା ।

ଫେବ୍ରୁଆରୀ ମାସ ଉଣେଶ ତେପନ

ଚବିଶ ତାରିଖ ଦିନ

ଚିର ପୂଜନୀୟ ଯୋଗଜନ୍ମାଙ୍କର

ଇହଲୀଳା ସମ୍ବରଣ ।

ସ୍ନିଗ୍ଧା ସାମନ୍ତରାୟ, 

ଚୁନଭାଟି, ଗୋପାଳ ଗାଁ, ବାଲେଶ୍ଵର